Highlands Panorama News
HOME | PROFILE | STAFF | GALLERY | COMPANY ASSOCIATIONS | CONTACT
 

Die Outoppie se kommentaar
Stofsuiers

INTERESSANT dat wanneer mens luister na waaroor die dames of mans of huishulp kla, kom mens een of ander tyd by stofsuiers uit. Omdat ons in ’n weggooi samelewing leef, word die masjiene dikwels weggegooi as jy net sukkel om ’n sak of filter of nuwe pyp vir die ding te kry. Onthou, jy het ’n goeie masjien gekoop vir heelwat meer as ’n duisend Rand. Nou het jou huishulp die pyp in ’n kinkel gebuig of gebreek, of behoede my die voorpunt ketoeter waarmee jy in nou plekkies kan suig laat wegraak. Hulle noem dit ’n “crevasse tool” Of die dekselse hond het die borsel punt opgevreet. Die masjien werk nog soos nuut, en jy kry sakke en alles is piekfyn, maar soek nou daardie pyp of koppeling. Jy kry. Baie. Hulle is volop. Maar o tog, niemand se koppeling pas reg nie. Die nuwe koppeling is ’n millimeter te dik of te dun. Nooit presies reg nie. Nou koop jy ’n hele nuwe masjien. Ses maande later (as jy gelukkig is) sit jy met presies dieselfde probleem.
Onthou julle destyds se Betamax en VHS videobande? Dit was ’n gemors. Jy het ’n VHS masjien, maar die fliek wat jy wil kyk is net op Beta beskikbaar. Totdat hulle die industrie op VHS gestandardiseer het. Die jonges sal nie weet waarvan ek praat nie, maar toe ons jonk was, was dit kwaai tegnologie!
Hoekom kan ’n eenvoudige ding soos ’n stofsuierpyp waar hy teen die masjien koppel en waar die toebehore op die punt koppel, nie gestandardiseer word nie?

Latest Edition
Hoor Hierso
Outoppie se Kommentaar
Aan die stuur
Kry ons op Facebook
 
 
Highlands Panorama News | All Rights Reserved | 2011