Highlands Panorama News
HOME | PROFILE | STAFF | GALLERY | COMPANY ASSOCIATIONS | CONTACT
 

Hoor Hierso Banner

Ek glo in karma, wat jy saai, sal jy maai

DIE jaar is kraakvars en spik-splinternuut. Dis is nog nuut alhoewel ons al twee weke in 2020 inbeweeg het. Die eerste maand lê al amper op sy rug.
Verlede week het ek my nuwejaarsboodskap ter syde gestel om in te weeg oor Prins Harry en Meghan Markle. Gaan lees Britse rubriekskrywer Pierce Morgan se opinie daaroor. Hy som dit reg op. En die Britte is nie mal oor die idee dat ander lande te veel opinies het nie. Amerika dink dis wonderlik, maar hulle het nie ’n monargie nie. Die koningshuis het intussen die afgelope naweek die Koninlike Hoogheid (Royal Highness) as titels teruggetrek asook ’n paar ander dinge op hulle ‘ons-soek-lysie’. Ek dink jy gaan gewis tweede kom as jy met die Koningin van Engeland onderhandel, al is sy jou ouma. Sy is altans al van 1952 op die troon.
So hier is my wense en vertroue vir elkeen in 2020.
Geduld, o geduld is een van hulle. Dat mense kos het om te eet, meer lag, meer slaap, meer lees, minder stres, meer kuier, meer reis, meer goedhartig wees…
Oprah het eens gesê: “Every day is your past and every day is your future.”
Dit is nogal ’n goeie ding om in gedagte te hou. In hierdie woorde steek baie waarheid.
Oor begin wat vriendskappe betref, oor begin wat familie-verhoudings betref en selfs oor begin wat slegte gewoontes betref. Jy kan more dit verander.
Al word ons weer so blitsvinnig in die ratwerk van die lewe vasgevang en doen so baie om net te oorleef (veral wat geld betref) is dit tog ’n lekker uitdaging om ’n nuwe seisoen of siklus in jou lewe tegemoet te gaan. ~ Deur Michelle Boshoff

Latest Edition
Hoor Hierso
Outoppie se Kommentaar
Aan die stuur
Kry ons op Facebook
 
 
Highlands Panorama News | All Rights Reserved | 2011