HPN | HOOR HIERSO
Highlands Panorama News
HOME | PROFILE | STAFF | GALLERY | COMPANY ASSOCIATIONS | CONTACT
 

Hoor Hierso Banner

Vra Ruby se raad

Sondagaand wou ek weer probeer gewig verloor. Maar teen Maandagoggend 09:00 was ek nie meer lus nie. Wie kan my kwalik neem?
Dis ook nou nie of 'n Maandag die beste dag is om jou lewe te verander nie. Alhoewel die status quo tans nie na wense is nie.
In my naweekkokon van Judge Judy, tuin natmaak en verskriklik baie gesprekke met die honde.. sit ek dit in my agterkop dat 'n nuwe Maandag weer gaan kop uitsteek. Ek is nooit voorbereid op 'n Maandag nie, en dit is gewoonlik 'n baie slegte ervaring.
Verlede Maandag het ek by my kar gekom en die battery was pap.
Dis omdat ek en Ruby die vorige aand gaan 'straatkruip' het deur die dorp. Die Engelse noem dit roadtrip. Dit was net vir die lekker. Ruby hou daarvan om met haar kop by die venster uit te ry.
En as die verkeer min is kan ek ekstra stadig ry vir haar. Dis tans een van my min plesiertjies.
Baie Lydenburgers waai vir haar want sy is 'n gereelde gesig op die agtersitplek van my wit karretjie.
Maar om terug te kom by die kokon... O ja. Ek het per ongeluk die dakliggie aangelos na ons nagtelike gekronkel deur die strate.
Gelukkig het ek toe bure wat kon kom help.
Maar om terug te kom na die gewig verloor.
Hierdie Maandag maak ek toe vir my roereiers voor werk en verbrand dit. Ek het Sondagaand besluit 'n protiënbasis ontbyt sal my op die regte roete sit vir gewigsverlies.
Ek het toe maar by McGee's 'n muffin gaan koop en deur die dag geworstel. So ek is nie op 'n dieet nie.

Nou ja... A.G. Visser kan dit opsom met die gedig Vet.
As ou tant Siena straat-op loop
Om antipon of spek te koop,
Sê dié wat pad maak: Dank die Heer!
En sit hul sware stampers neer.

Haar einde was besonder sag,
Al was dit ook 'n sware slag,
Haar val was sonder blaam of smet,
Die oorsaak van die dood: Net Vet!

Blou Maandag, en 'n papper battery.
Maar komende Maandag sal ek ek weer met 'n positiewe ingesteldheid invaar. Ek sal vir Ruby raad vra.
~ Deur Michelle Boshoff

Latest Edition
Hoor Hierso
Outoppie se Kommentaar
Aan die stuur
Kry ons op Facebook
 
 
Highlands Panorama News | All Rights Reserved | 2011